韓式雜菜煲

韓式雜菜煲 http://kestrelkwan.blogspot.hk/ http://blog.yahoo.com/_EZXYU2MODYMADQBDU3JSDYNTL4/articles/599117 材料： 娃娃菜 小棠菜 鮮冬菇 金菇 白蘿蔔 蒟蒻芋絲 泡菜 豆腐 薑片 蔥段 清雞湯 調味料： 鹽 糖 韓國辣椒醬 - 所有蔬菜洗乾淨；白蘿蔔刨皮後切細件；豆腐切厚件；芋絲略沖水，瀝乾備用。 - 將蘿蔔、薑片同豆腐凍水落煲，加入適量清雞湯，之後用大火煲至滾。 - 水滾後就轉慢火，繼續煲至蘿蔔半腍，之後將泡菜連汁一齊加入。 - 水再次煲滾後就落娃娃菜、小棠菜、鮮冬菇及芋絲。 - 煮至菜熟後就加入適量調味料拌勻，最後加埋金菇及蔥段淥一淥就可以熄火上桌。 Notes： - 白蘿蔔凍水落煲會令湯更加清甜，因為大部份蔬菜嘅甜味都係溶於凍水內。 - 想芋絲味道更加好的話，可預先用少少鮮醬油及糖醃好，其他蒟蒻製食材都可以同樣處理。 - 豆腐宜用實豆腐，會無咁易煮爛，容易保持形狀。 - 想自家製作泡菜的話，可參閱《自家醃製韓式泡菜》及《蘿蔔泡菜》。