沙律海鮮卷

沙律海鮮卷 http://blog.yahoo.com/_JGMETPECZEI55BAZA2FIGTOHEE/articles/393036/category/Starry+Kitchen anyway, 其實個餡係用咩都可以既, 鍾意既話, 放d芋蓉春卷餡都冇問題架, 最緊要係放d自己鍾意食既野!!! 今次我就用左蝦同帶子, 另外仲用左雞肉同埋蘋果芒果!! 唔講唔知, 原來用威化紙包野, 每次係應該用一張半, 放餡果面要放多半張, 咁先唔會咁易穿!!! 如果用2張, 個皮又可能會太厚, 冇咁好食!!! 張半就perfect 既!!! 哈, 又學多樣野!!!! 《沙律海鮮卷》 材料: (可包8條) 威化紙 12 張 (其中4張開半) 海鮮 隨意 (我用左蝦同帶子, 份量冇咩所謂!!) 雞柳 2條 芒果 1個 蘋果 半個 沙律醬 隨意 雞蛋 1隻 麵粉 適量 麵包槺 適量 做法: 1. 海鮮同雞柳洗淨切粒, 用鹽油水灼熟, 隔水備用 2. 芒果起肉切粒, 蘋果去皮切粒用鹽水浸洗以防起鏽 3. 海鮮雞肉同埋芒果蘋果用沙律醬撈好備用 (我覺得用沙律醬已經好夠味, 嫌淡既可以加少少鹽同胡椒粉調味) 4. 預備一張半威化紙, 包入餡料, 捲成春卷狀 5. 先沾上麵粉, 再沾上蛋液, 最後再上麵包槺 6. 燒滾油, 將海鮮卷炸至金黃色即可 烹飪, 飲食